|
Profilo |
| L’ARTISTA So’ turnato ccà ‘ncopp’’e quartiere Ce mancavo, nun saccio ‘a quant’anne, vola ‘o tiempo, Giesù pare ajere, quanta facce sparute so’ ‘a tanno. Quanta cose se songhe cagnate Comme pure è cagnata sta ggente Guarda annanze, luntano è ‘o passato, nun è cchiù abbandunata e pezzente. Chi me vede ‘e passà, furastiero, comme fosse, chisà, nu turista, nun ‘o ssape io na vota chi ero me chiamavano allora: L’ARTISTA! Si, n’artista, che jevo p’’e viche Miez’’o tanfo ‘e sudore e cu’’a famma Quanno Dio me pareva nemico E ‘a Madonna matrigna e maje mamma. Quanno arraggia appannava chist’uocchie ‘o destino pareva fetente me sentevo tremmà ‘int’’e ddenocchie e cantavo…cantavo…pe’ niente. Faccio parte pur’io ‘e chistu vico Ma ogge songhe sultanto “turista” Chi me sape m’apprezza e m’è amico E pirciò nun s’’o scorda l’ARTISTA. Traduzione Sono tornato qui sopra ai quartieri Ci mancavo non so da quanti anni, Vola il tempo, Gesù sembra ieri, quante facce sparite da allora. Quante cose sono cambiate Come pure è cambiata questa gente Guarda avanti, lontano è il passato, Non è più abbandonata e pezzente. Chi mi vede passare, forestiero, come fossi, chissà un turista non lo sa io ieri chi ero mi chiamavano allora l’artista. Si un artista che andavo per i vicoli Col tanfo di sudore e con la fame Quando Dio mi sembrava nemico E la Madonna matrigna e mai mamma. Quando la rabbia appannava questi occhi Il destino pareva cattivo Mi sentivo le ginocchia tremare E cantavo… cantavo… per niente. Faccio parte anch’io di questo vico Ma oggi sono soltanto: “turista” Chi mi conosce, mi apprezza e mi è amico E perciò non dimentica l’artista. Da Cristo napulitano |
||
| Luciano Somma |